Jedes Jahr machen wir im Herbst zusammen einen Ausflug. In all den Jahren kamen wir an verschiedene Interessante Orte in der Schweiz.
Unsere Reise führte uns dieses Jahr ins Appenzellerland. Simi hat eine tolle zweitägige Reise für uns organisiert. Wir hatten genug Zeit uns im Dorf Appenzell umzusehen und in den verschiedenen Spezialitätenläden konnten wir kulinarischen Köstlichkeiten einkaufen. Eine Führung in der Appenzeller Alpenbitter AG mit anschliesender Degustation durfte nicht fehlen.
Am nächsten Tag lernten wir den schönen und vielseitigen erlebnis Gasthof auf der Waldegg kennen.
Die lange fahrt wieder zurück nach Grindewald war kurzweillig und lustig, wir wissen doch immer etwas zu plaudern.
Siid 20 Jahren tien mier Märtfroui iisa Märtstand schon betriiben
zur Belohnig hein mier es Reisli gmacht, wan i etz da mecht beschriiben.
Am 28.November, am Morgen am fifi, sin mier gstarted
ganz gspannd was iis die kommenden Taga alls erwarted.
Mid dem Bus sin mier elf Buurefroui von Baden uf Wiesbaden gfahren,
mid vil Glaver u Verzellen hein mier gspunnen ganz vil Gaaren.
Dert heimer en Chrischtchindlimärt bsuecht,
u fir ds erschta afen en Gliehwynstand gsuecht.
Gägen Aaben sin mier due uf nes Flussfahrtschiff und hein iis dert iigrichted,
und nach nem Fiifgängerässen no d Bar bsuecht und allergattig zämen brichted.
Mid däm Schiff sin mier ufem Rhin nach Mannheim u von dert üs mid dem Bus nach Heidelberg a nächschten Märt.
Vor luuter Choifhiiser u Märtstenden simer ds lescht no i Stress chon, aber äs ischt si gsin derwärd.
Umhi zrugg ufem Schiff heimer nois derfen es feins Assen gniessen,
was mer etz den halt mid der Linien miessen biessen.
Nahär ir Bar isch aaber luschtig wiiter gangen,
da hed also keini der Lätsch lan hangen.
Mier hein zämen gseid iises Jubiläum u d Reis sellt doch den n o im Echo stan.
Da heimer iis na diversen Coktails fiin epis iifallen lan.
Mier sin due rätig worden mid dem Flussfahrtschiff emzueha z chon,
das chiem de sicher im Echo, das wän ja wirkli e Sensation.
Vor lüüter trichen, lachen u planen ischt d Zyit eso gleitig verbi gangen,
der Chällner scho lang am plangen, das mier etz den gangen.
Ds lescht heimer doch due ids Näscht miessen,
fir die lescht Nacht ufem Schiff no en Bitz ds gniessen..
Der lescht Tag simer nois mid Chrischtkindelmärt ds Strassburg underwägen,
äs ischt fascht beängschtigend gsin, uberall Polizi und Waffen, wägen Terroraschlägen.
Am vieri simer umhi in iisa Bus iigstigen u Richtig heimwärts gfahren
Äs ischt stiller gsin wan etz mengischt, sin doch allu miedu gsin von all denen Sachen u Waren.
Na Baden heds gschniid wie verruckt u d Strass glatt u seifig,
da wän d Idee „ mid dem Schiff emzueha“ umhi gleifig.
Nan nem späten Nachtässen im Restaurant Luna und nem leschten Glesli Wyn,
sin die dri Taga schon umhi verbi, aber freuen iis schon umhi uf ds nächschta Zämensiiin.
Eis chennen privat Zyt zämen ds verbringen, heimer gloib allu richtig gnossen,
zämen eso richtig ds lachen, ds laveren, ds verzellen u zue ds losen.
I hoffen mier wärdes zämen wiiter eso gued han
U der Gedanken“ zämen siimmer starch“ , is nid verlaan.
Verfasst vor Christine Moser- Bohren
Teilnämerinnen:
Hefti Elsbeth 20 Jahr derbie
Marlene Wyss 20 Jahr derbie
Silvia Wahli 20 Jahr derbie
Christine Moser 20 Jahr derbie
Monika Aeschlimann
Kathrin Bohren
Karin Graf
Cornelia Teutschmann
Andrea Suter
Katrin Moser
Simone Rüttimann